Regionaal Dossier: Noardfrysk op Dútske skoallen frijwilligerswurk en beheind ta basisûnderwiis

It ûnderwiis yn it Noardfrysk is altyd frijwillich en bliuwt meastal beheind ta it basisûnderwiis. De taal wurdt ek oanbean yn inkelde berne-opfangynstellingen yn it Dútske Noard-Fryslân. Gelokkich waard yn 2023 de Nordfriisk Liirskap oprjochte, in ynstelling dy't lesmateriaal ûntwikkelet, it ûnderwiis yn it Noardfrysk stipet en de taal yn it algemien promoatet. Dit wurdt sjoen as in trochbraak. 
 

'The North Frisian language in education in Germany (4th Edition)'

Lena Terhart hat yn 'e mande mei de redaksje fan de Mercator Regional Dossiers in nije edysje fan it Regionaal Dossier oer de Noardfryske taal gearstald. Terhart is in taalkundige dy’t spesjalisearre is yn taaldokumintaasje, taalkundige typology en de sosjolinguistyk fan lytse talen. Sûnt 2019 wurket se by it Nordfriisk Instituut, dêr't se twa grammatika’s oer it Noardfrysk publisearre hat (tegearre mei Arfsten & Paulsen-Schwarz, 2021). Sûnt 2023 is se haad fan de ôfdieling Nordfriisk Liirskap, dy't ûnder oare ferantwurdlik is foar de ûntwikkeling fan Noardfryske lesmaterialen en taalbefoardering.
 

It Regionaal Dossier ‘The North Frisian language in education in Germany (4th Edition)’ biedt ynformaasje oer:

- ûnderwiisstatistiken, lykas it tal twatalige skoallen, it persintaazje bern dat Noardfrysk leart en de taalfeardigens fan learkrêften; 
- belied oangeande ûnderwiis yn en oer it Noardfrysk; 
- de struktuer fan it ûnderwiissysteem yn it gebiet; 
- it tal sprekkers fan it Noardfrysk; en 
- ynstellings dy’t it Noardfrysk stypje. Dit is de fjirde edysje. 

De earste (1997), twadde (2007) en tredde (2015) edysje fan dit Regionaal Dossier binne skreaun troch dr. Alastair G.H. Walker fan de ôfdieling Skandinavistyk, Fryske Stúdzjes en Algemiene Taalkunde fan de Universiteit fan Kiel, Dútslân. 

Downloade

Jo meie de regionale dossiers fan Mercator downloade en ôfdrukke foar persoanlik, net-kommersjeel gebrûk, mits it úttreksel folge wurdt troch in folsleine bronvermelding nei it Mercator European Research Centre on Multilingualism and Language Learning. 

Organisaasjes of ynstellingen dy't de dossiers fia in lokale útjouwer yn harren lân drukke litte wolle, kinne in útjouwersbestân (mei snijtekens ensfh.) oanfreegje. Utjouwersbestannen binne beskikber foar guon dossiers, mar net foar alle. 

Nei Regional Dossier series: The North Frisian language in education in Germany (4th Edition) >>>