De Fryske Akademy, dêr't it Mercator Europeesk Kennissintrum foar Meartaligens en Taallearen ûnderdiel fan is, kin weromsjen op in jier fol nijsgjirrige ûntdekkingen, drokbesochte konferinsjes en ynspirearjende gearwurkingen oer de hiele wrâld. Om dit moaie jier ôf te sluten, mar benammen ek om it nije jier feestlik yn te lieden, nûgje wy ús gearwurkingspartners, leden en stipers fan herte út om mei-inoar oan te skowen by in lekkere nijjierslunch. De lunch is fergees, oanmelde is wol needsaaklik yn ferbân mei in beheind tal plakken.