Ekspertsdatabank

Network of Schools

De doelstelling fan it 'Network of Schools' is in platfoarm te kreëarjen foar meartalige skoallen yn minderheidstaalgebieten yn de Europeeske Uny, om sa in útwiksel fan ynformaasje en ûnderfinings mooglik te meitsjen.

Bedrige talen

It ûndersyk nei bedrige talen by it Mercator Kennissintrum hâldt him dwaande mei de stúdzje fan taalferlies, taalbehâld en dokumintaasje. Wy ûndersykje de fonetyske aspekten fan talen en dialekten fan minderheidstalen, yn it bysûnder dy yn de Russyske Federaasje en lannen dêrom hinne. Dat wurk wurdt finansjeel stipe troch subsydzjes fan de Nederlânske Organisaasje foar Wittenskiplik Undersyk (NWO), de Organisaasje INTAS fan de Europeeske Uny, Japanske Ynstânsjes en partikuliere fûnsen.

Regionale dossiers

Regionale dossiers beskriuwe it funksjonearjen fan minderheidstalen yn it ûnderwiis, jouwe ynformaasje oer nasjonale en regionale ûnderwiis-systemen en befetsje de lêste statistiken op it mêd fan minder-heidstalen yn it ûnderwiis yn de Europeeske Uny.

It Mercator Europeesk Kennissintrum foar Meartaligens en Taallearen is rjochte op kennis  opdwaan, kennis sirkulaasje en kennis tapassing. Yn it wurk wurdt omtinken jûn oan it learen op skoalle, mar ek oan de taaloerdracht thús, op it wurk of yn de frije tiid en troch kultuerpartisipaasje. It Mercator Kennissintrum is yn Europa in wichtich ynstitút op it mêd fan meartaligens en taallearen. Startpunt is it Frysk as eigen taal fan Fryslân en minderheidstaal yn Nederlân. It Mercator Kennissintrum mobilisearret en bringt kennis en kompetinsjes by elkoar dy’t yn oare lidsteaten en oare meartalige regio’s ûntwikkele binne. Op dy wize befoarderet it Mercator Kennissintrum it taalferskaat fan Europa. It is in ûnôfhinklike en erkende ynstelling dêr’t sawol de beliedsmakkers as de profesjonele wurkers yn it fjild mei fertrouwen gebrûk fan meitsje kinne. It Mercator Kennissintrum bringt Europa nei Fryslân en Fryslân nei Europa.